Поиск

ԻՆՉԻՑ Է ՄԱՀԱՆՈՒՄ ՅՈՒՐԱՔԱՆՉՅՈՒՐ ՈՒԹԵՐՈՐԴ ԵՎՐՈՊԱՑԻՆ


Եվրոպացիների մահացության պատճառներից մեկը շրջակա միջավայրի գործոնն է, այդ թվում՝ օդի աղտոտվածությունն ու անոմալ շոգը։ Այս մասին տեղեկանում ենք Եվրահանձնաժողովի հրապարակած տվյալներից։ Այսպես յուրաքանչյուր ութերորդ եվրոպացին մահանում է շրջակա միջավայրի ցածր որակից։ Զեկույցում նշվում է, որ այս գործոնի եւ մահացության միջեւ կա ուղիղ կապ։

«Այդ մահացությունները կարելի է էականորեն կրճատել, եթե ջանքներ ներդրվել՝ շրջակա միջավայրի որակը բարելավելու համար»,- ասվում է փաստաթղթում։ Այսպես, օդի աղտոտվածությունը հատկապես Եվրահանձնաժողովում համարում են մարդու առողջության վտանգավոր վատթարացման պատճառներից մեկը։ Օդի աղտոտվածությունից ամեն տարի մահանում է եվրոպական ցամաքում 400 հազար մարդ։ Օդի աղտոտվածությունը կարող է առաջացնել դիաբետ, թոքերի հիվանդություն, քաղցկեղ։ Օդի աղտոտվածությունը կարող է նպաստել նաեւ կորոնավիրուսով հիվանդների շրջանում մահացության թվի աճին։