Поиск

Հրդեհ՝ «Ոսկու աշխարհ»-ում. Հրդեհի բարդության «Թիվ 2» կանչով դեպքի վայր է մեկնել 6 մարտական հաշվարկ


Սեպտեմբերի 8-ին, ժամը 01։21-ին Ճգնաժամային կառավարման ազգային կենտրոն ահազանգ է ստացվել, որ Երևանի Խորենացու փողոցի թիվ 23 հասցեում գործող «Ոսկու աշխարհ»-ի նկուղից ծուխ է նկատվում։ Այս մասին հայտնում են ԱԻՆ մամուլի ծառայությունից:


Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ։

Պարզվել է, որ հրդեհը բռնկվել է «Ոսկու աշխարհ» ՍՊԸ-ի նկուղային հարկում գտնվող խոհանոցում (մոտ 20 քմ)։

Հրդեհը մեկուսացվել է ժամը 01։53-ին, մարվել՝ 02։13-ին։

Այրվել են տեխնիկա, կահույք, և ջերմահարվել՝ կախովի առաստաղից մոտ 5 քմ հատված։

©2020 Լուր ԱյսՕր.